Pontevedra, 13 de xaneiro de 2010
Para os que desexen estar ao día recollo o enderezo onde podedes saber qué libros foron os máis importantes segundo unha serie de críticos e lectores especializados.
Aproveito a ocasión para presentar unha publicación, que acaba de saír do prelo e aínda está quentiña, sobre Eduardo Blanco Amor. Trátase dunha obra de homenaxe ao escritor co gallo dos 5o anos da publicación de A esmorga. Ademáis dun libro inclúe un disco e un dvd. No libro hai ensaios sobre a fotografía e Blanco Amor, a evolución da cidade de Ourense, un xogo de rol baseado na novela e unha banda deseñada sobre a novela. O precio e verdadeiramente increíble, 15 euros. Xa falaremos máis desta iniciativa tan multidiciplinar. Editorial Difusora, Ourense.
EBA 5.0
O universo de Eduardo Blanco Amor 50 anos despois d'A Esmorga
Unha obra en 150 páxinas que dá entrada a diferentes textos e accións vinculadas con A Esmorga e con outras facetas de Eduardo Blanco Amor. Textos e accións en diferentes formas e xéneros: a banda deseñada, o xogo de rol e o ensaio –histórico, artístico e sociolóxico– a música, os títeres ou o deseño gráfico.
